Suspect nga mipatay sa 14 anyos miangkon sa krimen; amahan maglisud og dawat sa gidangatan sa biktima

Davao City – Nahinaykan sa suspect nga si Jayson Tugahan ug gi-angkon nga siya ang mihimo sa krimen pinaagi sa paghapak og bato ngadto sa ulo sa biktima nga iyang ka chat ug ka meet up nga 14 anyos nga si alias Paw-paw rason sa hinanaling kamatayon niini niadtong milabay’ng gabii sa Purok 3, Cogon, Brgy. Bato, Toril, Davao City.

Sa pakighinabi sa DXDC RMN Davao kang Tugahan gisulti niya, nadalin-as siya niadtong panahona og aksidenteng naigo ang biktima hinungdan nga gibalusan siya sa pagdagmal niini, apan nangayo usab og pasaylo ang suspect sa pamilya sa biktima nga wa niya gituyo ang maong hitabo.

“Mangayo ko ug pasaylo sa pamilya nga wa gyod nako natuyo og wa pod nako sya nahilabti”, sulti ni Tugahan.

Nahinabi usab sa DXDC News Team ang amahan nga si alias Lando, maglisud siya og dawat sa gidangatan sa iyang anak ug dili usab niya madawat ang pagpangayo og pasaylo sa suspetsado, tungod nahugno ang pangandoy sa iyang anak nga gusto unta kining mahimong usa ka magtutudlo.

Gi-andam na usab sa Toril Police Station ang mga dokumento og karong adlawa Pebrero 8, 2024 ipasaka ang kaso batok sa suspect.

RadyoMaN Don Pulayao