General Santos City–Dugay nang gimonitor sa CPDEU ang suspek nga si Eric Obeso, legal age, residente ning dakbayan gumikan na usab sa iyang kalambigitan sa iligal nga droga, kini ang nahimong pahayag ni Police Captain Brent Ian Salazar ang OIC Chief Of Police sa San Isidro Police Station.
Nasayran nga patay si Obeso human nga napusilan sa kapulisan dihang misukol atol sa gihimong buy-bust operation sa may Guinto Steet, Lower Matibay, Barangay San Isidro, Gensan.
gikaingong nakamatikod ang suspek nga mga police ang iyang nakatransaksyon mao nga mibunlot ug pusil dayon gipabuthan ang kapulisan.
Dugang pagbutyag ni Salazar nga idlas kaayong dakpon ang suspetsado gumikan iyang ginalahi ang venue sa transaksyon sa palitanay ug iligal nga droga.
Gawas nga siya pusher, drug courier usab ang nasampit diin siya maoy nagadala ug droga gikan sa ubang lugar pasulod dinhi sa Gensan.
Napugos ang kapulisan nga pusilon ang suspek dihang mibunlot na kini ug pusil ug nagpabuto sa iyang armas.
