Davao City – Nagtuo ang kabanay sa biktima kinsa gipusil-patay sa Bangkal ning syudad kagahapong adlawa nga ang ulahing naka away niini matud pa ang usa ka anak sa police.
Sumala sa interbyu sa DXDC News Team kagahapon kang Joniel Poral, uyoan ni Jomart Colina Poral nga sa miaging semana samtang mikaon matud pa og balot si Jomart, naka-atbang niini ang usa ka wala mailhing batan-on.
Napiksan matud pa sa sabaw sa balot si Jomart gani didto kuno nagsugod ilang panaglalis ug misangpot sa panag-away.
Kagahapong adlawa napatay ang biktima sulod sa sakyanan nga padulong unta sa trabahuan.
Hinoon giangkon sa mga kabanay nga initon og ulo si Jomart ug dali ra gayud kini makakita og away apan hustisya gihapon ang singgit sa pamilya sa pagkamatay sa batan-on.
Subay sa maong panghitabo, hinaut sa uyuan nga dili unta musangpot sa pagpatay ang mga miulbong panaglalis.
Una ng gibutyag sa Davao City Police Office (DCPO) nga adunay record sa Talomo PNP ang batan-on nga robbery, theft ug pagpanunggab kaniadto.
RadyoMaN Paul Canono / RadyoMaN Jason Amisola
