Nadakpan na ang suspect nga nagpatay sang 7 anyos nga bata nga nadula kahapon nga adlaw ala 1:30 sang hapon sa Victoris City, Negros Occidental.
Ginkilala ang suspek nga si Mark Besa 37 anyos sang Zone 1 Villamiranda Brgy. 6A Victorias City.
Ginkumpirmar ni Police Major John Van Luspo, hepe sang Ajuy PNP nga mga alas 5 kaina sang hapon (June 3) nadakpan ang suspek sa barangay Pili, Ajuy, Iloilo.
Suno kay Luspo nga nag-coordinate sa ila ang Victorias PNP kaina sang udto angut sa ginahimo nga hot pursuit operation batuk sa suspek nga si Besa.
Base sa pagpangusisa sang kapulisan, nagsakay sa bangka ang suspek halin sa Victorias pakadto sa Barotac Viejo kag nagderetso sa Pili, Ajuy matapos ang ginhimo sini nga krimen.
Nahibaluan nga nasapwan na lang nga nakasulod sa sako kag ginsulod sa basurahan malapit sa puluy-an sang suspect ang bangkay sang biktima. Nahibaluan man nga ang suspect ang isa ka anay drug surenderee kag nag balik naman ini sa bisyo.
Napriso pa ang suspect sang nagligad nga semana bangud gin kastigo sini ang iya asawa nga bag-o lang nagbata. Tags: Visayas, Iloilo City, Iloilo, Rmn Iloilo, DYRI774, Sonny S. Punay
