![WEBSITE-18-×-10-in-2024-02-22T084539.690.jpg](https://i0.wp.com/rmn.ph/wp-content/uploads/2024/02/WEBSITE-18-×-10-in-2024-02-22T084539.690.jpg?resize=696%2C387&ssl=1)
Davao City- Gi-inquest na sa Calinan Police Station kagahapong adlawa Pebrero 21, 2024 ang suspect giila nga si Edgar Antiola Baguio,ang midunggab patay sa biktima nga si Simplicio Imoas 50 anyos, nahitabo niadtong milabay’ng adlaw alas 4:15 sa hapon Pebrero 20, 2024 sa Purok 10, Kabisig, Barangay Calinan, Davao City.
Sa pakighinabi sa DXDC RMN Davao kang Police Master Sargent Ken Carlo Leonor, ang Investigator sa Calinan Police Station gisulti niya,kasong murder ang gipasaka ngadto sa piskalya batok sa suspetsado.
Segun ni Leonor, subay sa gihimong imbestigasyon sa kapulisan samtang nag-inom ang suspek ug ang biktima sa dihang nagkainitay misangpot sa panaglalis nga miresulta sa pagdunggab sa suspek ngadto sa biktima og nakaangkon og samad dinunggaban sa tuong bahin sa iyang lawas.
“Wala nagkasundo o may misunderstanding, nag-inum man gud sila unya hubog og naglalis sila”, sulti ni Leonor.
Gidala pa sa Robillo Hospital ang biktima aron matambalan apan pag-abot niini gideklarar kini nga dead on arrival.
RadyoMaN Don Pulayao
Facebook Comments