Davao City – Pursegido nga mupasaka og kasong direct assult in person authority ang usa ka personahe sa City Transportation and Traffic Management Office (CTTMO) nga si Dexter Roa, 32 anyos, residente sa Rambutan St., Brgy. Sto. Niño, Mintal ning siyudad, batok sa usa ka Crissamor Saya, 39 anyos, nagpuyo sa Deca Homes Calumpang, General Santos City.
Kahinumdoman nga samtang nagduty si Roa sa dagan sa trapiko didto sa dalan sa Guzman St. partikularmente atubangan sa usa ka pribadong tulunghaan, iyang nakit-an nga nakaparada ang usa ka color silver Nissan kinsa gimanehoan sa usa ka Richard Mibulos, kalive-in partner ni Saya.
Matud pa giparking ang maong sakyanan sa lugar nga dunay signage nga ‘No Parking’ ug ‘No Waiting’.
Sa dihang giduol ni Roa aron isyuhan og citation tickets ang driver, nagdumili sa paghatag sa iyang lisensiya ang driver.
Samtang gipasabot sa mga traffic enforcer kung unsay pamaagi sa pagbayad, nisyagit ug gipakaulawan sa maong ni Saya ang mga enforcers pinaagi sa pag-akusa sa mga lumulupyo sa Dabaw isip nawong og kwarta.
Nahitabo ang komosyon diin minaog na ang suspect gikan sa iyang sakyanan ug gisumbag si Roa igo sa nawong ingon man nanghapak og abaga tumong sa tuo nga bahin sa dughan hinungdan sa pagkahulog sa handset radio sa traffic enfocer.
Gikatakdang ipasaka karon adlawa sa kapolisan ngadto sa korte ang kaso batok sa suspect nga si Crissamor Saya.
RadyoMaN Don Pulayao
