Davao City – Tungod sa kahubog ug daw nawala na sa iyang kaugalingon ang hinungdan nganong napatay sa suspek ang 6-anyos nga batang babaye.
Atol sa pakighinabi sa RMN Davao sa naarestong suspek nga si Rico Jay Labao, 27 anyos, gisaysay niini kung giunsa niya pagpatay ang inosenteng bata.
“Niuban siya sa akoa padulong didto (sa kabagnutan)… Gihiktan nako iyang liog ug tiil og pisi. Naka-inum lang ko og isa ka grande… wala nako siya gi-rape makita man na (sa otopsiya)
Daw dili man mapasaylo ang iyang gihimo gipadangat sa suspek ang iyang pangayog pasaylo sa pamilya sa bata.
Samtang gibutyag sa ig-agaw sa suspek nga si Mecco Labao nga si Rico ang nisulti kanila nga adunay kini nakaplagang bata ug nagpauban pa kini ug hangtod sa naabot na sila sa crime scene kalit lang kining nawala.
“Sa akong (mahinumdoman) siya gayod kay nawala siya kalit sa akong likod. Siya ang gidudahan kay nakita man siya nakita sa pikas area ganina,” matud niini.
Ang laing saksi nga niduol usab sa mga awtoridad nga si Mildred Perandos nahibulong human nga nakit-an niini ang suspek niadtong Setyembre 17 adlaw’ng Lunes sa hapon nga puno og sagbot ug basa na ang sapot niini ug nagtuo kini nga gikan ang suspek sa direksyon sa nahimutangan sa patay’ng lawas sa bata.
Sumala sa ginikanan sa 6 anyos nga nikumpisal ang suspetsado kanila nga siya usab ang responsable sa krimen ug desidido sila nga ipailawom sa otopsiya ang ilang anak aron ilang mahibaw-an kung gihilabtan ba gyod kini.
“Nangayo siya og pasaylo sa akoa nga nabuhat niya to ug wala siya kabalo nga nabuhat to niya kay hubog daw siya. Ni-amin man siya nga siya gyod ang nagbuhat kay dili man siya mangayo og pasaylo wala siya naghimo og sala. Gipangutana nako siya una kung patay na ba ang batay sa iyang pagbiya ingon niya dili apan sa ikaduha (nga pagpangutana) ana siya patay na daw. Dili na niya mahinumdoman kung gi-unsa niya pagpatay (akong anak) basta gitalian niya og pisi,” segun sa inahan sa biktima.
RadyoMaN Aimee Guinita
