Davao City – Patay ang suspetsado sa robbery hold up human misukol sa kapulisan sa Los Amigos, Tugbok District, Davao City kagahapong adlawa alas 11:40 sa udto Oktubre 26, 2023 atol sa gikasang hot pursuit operation sa Purok 6, Brgy. Balingaeng, Tugbok District, Davao City.
Giila ang suspect nga si Adriano Dupa, hingkod ang edad, tricycle driver, residente sa Biao Guianga, Tugbok District, dakbayan sa Davao.
Base sa report sa Los Amigos Police Station, ang suspect sa dihang dakpon sa mirespondeng mga pulis inay nga motahan sa kaugalingon, nakigpinusilay na hinuon gamit ang .38 nga revolver nga miresulta sa pagka-neutralisa niini.
Patay’ng lawas sa suspetsado anaa pa sa Robillo Memorial Hospital sa Calinan ug wala pay mga tagtungod nga mikuha niini.
Ang gilusad nga hot pursuit operation kabahin sa mas-gipakusgan nga Anti-creminality Campaign sa Los Amigos Police Station.
RadyoMaN Don Pulayao
Facebook Comments
