Davao Occidental – Sayron karon sa Provincial Government sa Davao Occidental ang giingong mga nagpositibong indibidwal sa Coronavirus Disease 2019 (COVID-19) nga mga trabahante sa usa ka coal plant sa munisipalidad sa Malita sa maong probinsya nga wala matud pa nahatagan og pagtagad.
Sa interbyu sa DXDC RMN Davao kang Carlos Casaysay, Davao Occidental Provincial Information Officer, gibutyag niini nga wala pay nadawat nga pormal nga reklamo ang Davao Occidental-LGU kabahin niini rason nga ila usab kining hisgutan sa panagpulong.
“Actually, ang coal plant is privately owned. Wala pa man gud officially gi-lodge sa amoa nga complaint. But then again, kung naa man, siguro amoa nang i-properly i-address kung kang kinsa man sa proper forum,” sulti ni Casaysay.
Matud ni Casaysay, lisod kung walay pormal nga reklamong ipaabot ug basehan lamang ang mga gina-post nga concerns sa social media.
Giawhag sa opisyal nga ipaabot kanila ang maong mga problema aron kini mahatagan og hinanaling aksyon.
RadyoMaN Kirby Manzon
