Suspected suicide note han Leyte high teacher, gin-examine na han PNP

1694

TACLOBAN CITY – Bumalik utro an mga kapulisan han Tacloban PNP ha Leyte National High School para mag-imbistiga han pagkamatay han TLE teacher nga hi Romela Abrantes Segador pero kasangkulop han alas 3:00 durante han ira pag-inspeksyon ha classroom han maistra, nakit-an nira an suspected suicide note ha basurahan han mao nga classroom.

An nakasurat ha nakakurumos nga papel in “Hi brad lab-lab ko, mahal ko arnel, dodong, ajaw na kaguol ko. Ako ni desisyon wa moy sa ani. Sorry kung pasaway kaayo ko.”


Ha interview han RMN kan PSInsp. Edwin Canamaque, Tacloban PNP station 2 commander, igpapadara nira ini nga suspected suicidal note ha PNP Crime Laboratory para han masusi nga eksaminasyon ngan ira igkokompara an handwritten han maistra ngadto ha nakasurat ha papel.

“Amon na ini ginsubmit ha crime lab for question document examination, nagkakakuan [ginkikita] namon didto han iya lesson plan for comparison kun talaga ini nga iya handwritten magparehas ba o diri.”

Ha obserbasyon ni PSInsp. Canamaque han mao nga suspected suicide note ngan an handwritten hini nga maistra ha iya lesson plan in baga magka-pareho.

Kompirmado liwat han mga otoridad nga mayada man gud uyab nga Arnel hi teacher Romela nga basi han suspected suicide note, naka-address ha iya an surat.

Facebook Comments

From Advertisers