Davao City – Gimandoan ni DCPO Head Police Col. Alexander Tagum ang kapolisan San Pedro Pedro alang sa paggukod sa mga suspek nga mikulata sa PUJ driver.
Sa interview sa RMN Davao kang Police Major Melvin Joseph Violan, Station Commander sa San Pedro Pnp, gikanayon niini nga ilang gipakusgan ang manhunt operation aron daling madakpan ang mga suspek.
Gidugang ni Violan nga napasakahan na og kasong frustrated murder kagahapon ngadto sa piskalya ang mga suspek nga sila Nicky Tanudra ug Francis Jhon Traya.
Giingon ni Violan nga magkaila ang duha ka suspek ug drayber diin kanhi mga inmates sa Davao City Jail ang mga nalambigit sa insidente.
Nasayran nga adunay kasong Robbery si Nicky Tanudra, paggamit sa volatile substance ang rason sa pagkasikop kang Francis John Traya samtang ang drayber nga si Salem Montano gibuhian niadtong bulan sa Nobyembre tuig 2018 human makulong sa kasong rape.
RadyoMaN Don Pulayao
