Sa interbyu sa DXDC RMN Davao kang Gilbert Resurrection kinahanglang atubangon ug bayaran sa suspek nga si Devine Lim ang pagpatay niini sa iyahang inahan nga si Dolores Celocia.
Kasong parricide gipasaka batok sa suspek.
Gibutyag ni Resurreccion nga awayon na gyod ang mag-inahan ug nisamot pa ang tensyon dihang buot ipabaligya sa biktima ang gipuy-ang balay sa suspek ug sa iyahang live in partner.
Sumala niini, kaniadto gikulata ug gidunggab sa suspek og gunting ang biktima
Ang bangi tali sa maginahan niabot na usab sa barangay.
Pito ka mga samad dinunggaban sa tiyan ang nikutlo sa kinabuhi sa biktima.
Kahinumduman niadtong Dominggo, Agosto 6,2023 atol sa pagpaningil og bill sa tubig nagkapisikalay ang live in partner sa suspek nga si Newlyn Perla ug ang giingong hubog nga biktima.
Niabot ang suspek ug nisulay pa og uwang apan didto na usab niini gidunggab ang iyahang inahan sa makadaghang higayon gamit ang kitchen knife.
Daling nisibat ang suspek human niini himua ang krimen.
RadyoMaN Aimee Guinita
