Arestado ang isang 41 anyos na lalaki matapos makumpiskahan ng hinihinalang shabu sa isinagawang buy-bust operation ng pulisya sa Pangasinan.
Kinilala ang suspek bilang residente ng Rosales, Pangasinan. Nahuli ito sa operasyon na isinagawa ng Balungao Municipal Police Station (MPS) sa pakikipag-ugnayan sa Philippine Drug Enforcement Agency Region 1 (PDEA RO1).
Ayon sa ulat, nagresulta ang operasyon sa pagkakasamsam ng tinatayang 15 gramo ng hinihinalang shabu na nagkakahalaga ng ₱102,000.00.
Bukod sa ilegal na droga, narekober din ang ilang non-drug evidence.
Kasalukuyang nasa kustodiya ng pulisya ang suspek at haharap sa kaukulang kaso. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
