Sultan Kudarat – Inilabas na ng Armed Forces of the Philippines (AFP) ang artist sketch ng suspek na nagpasabog sa Isulan Sultan Kudarat na ikinasawi ng tatlong tao at ikinasugat ng 36 na iba pa.
Base sa description ng militar, nakasuot ng itim na t-shirt at colored pants at may dalang itim na bag ang suspek na may taas na 5’6 hanggang 5’7 at may katamtaman pangangatawan.
Sa pagtaya ng mga otoridad, nasa 20 hanggang 25-anyos ang edad ng suspek.
Sabi naman ni PNP Chief Director General Oscar Albayalde, may testigong nakakilala sa suspek na bumili pa ng prutas at nakitang nag-iwan pa ito ng bag sa ilalim ng motorsiklo na pag-aari ng isang cafgu.
Bagaman inako ng ISIS ang pagpapasabog, iginiit ni Albayalde na isa sa mga sinisilip nilang may kinalaman sa insidente ang BIFF.
Sa ngayon ay tuloy-tuloy ang pagsuri sa mga CCTV sa lugar para magkaroon ng frame of reference sa naganap na pagsabog.
