STA. RITA, SAMAR – Nalakat tipauli ha ira panimalay hi Jose Armada Odal, 62 anyos, usa nga parag-uma ngan residente ha Brgy. San Pascual Sta. Rita, Samar han tigda nala hiya bun-on han suspek nga hi Gregorio Cajepe Odal, 77 anyos, may asawa ngan residente liwat ha nasabi nga lugar.
Ha inisyal nga imbistigasyon han mga otoridad, sundang an gingamit han suspek han iya bun-on an biktima. Naangkon han biktima an binun-an ha ubos han iya hawak.
Dayon nga gindara han mga paryente an biktima ha hospital dinhi ha Tacloban para mabulong.
Sumala han Samar Provincial Police Office, personal nga away an mayada ha duduha.
Sumurrender naman dayon an suspek ngan maatubang han kaangayan nga kaso.
Facebook Comments
