TACLOBAN CITY – Nakit-an an usa nga patay nga lawas han 17 anyos nga babayi ha Brgy. Herrera, Calubian, Leyte kasangkulop, August 20.
Sumala kan P/Lt. Fedel Triste Jr., Chief Of Police han Calubian, Leyte, posible nga ginlabtan o gin-rape an biktima pero huhulton pa nira an post mortem examination para makasigurado.
Ginkilala an suspek nga hi Edmun Hilboy, 29 anyos, mayada live-in partner ngan residente ha nasabi nga lugar.
Nagawas ha inisyal nga imbistigasyon, nagtatahap na an bugto han biktima nga an iya asawa nga suspek an nagpapaluyo han krimen.
Kasangkulop, han makit-an an patay nga lawas han biktima, ginbuno han suspek an iya kalugaringon rason han pagkamatay hini.
Panuyo gud an pagpatay ha biktima tungod nga makikit-an ha iya lawas an mga samad gamit an matarom nga butang.
Nagpapadayon pa an imbistigasyon han mga otoridad.
