GENERAL SANTOS CITY – Patay sa pagpangulata ang suspetsado sa pagpanigbas nga si Bruce Yee, hingkod ang panuigon, residenti sa Barangay Mabuhay human kining gitabangan ug kulata sa mga kabanay sa iyang gitigbas sa may Purok Saludin, Barangay Labangal niaging adlawng Dominggo sa hapon.
Una nang gitigbas sa nahisgutan ang biktimang si Harold Usman, 24 anyos gumikan lang sa bingkil sa inum nga natigayon sa Purok Saludin sa nahisgutang barangay.
Sumala ni Jonas Avila kaubanan sa namatay nga una nang nagbingkil ang ilang grupo ug ang grupo sa biktimang natigbasan samtang sila anaa sa imnanan nga misangko sa pagpanigbas.
Human nasayran sa mga kabanay sa biktima ang insidenti sila gigukod diin ilang naabtan si Yee ug gitabangan ug kulata nga hinungdan sa iyang kamatayon.
Samtang gisikop sab si Jonas sa kapulisan human gialigaran nga may kalambigitan usab sa pagpaningbas.
Sa karon nagpadayon ang gihimong imbistigasyon kalabutan sa maong insidenti.
For more info’s and updates, like and share our official facebook account : www.facebook.com/ifm91.9Gensanofficial/
