Iloilo City- Na-trabesiya ang pagpang-snatch sang suspek matapos nabungguan ini sang salakyan kag gindumog sang mga bystanders sa R. Mapa street, Mandurriao, Iloilo City mga alas 7:30 kagab-i.
Priso karon sa Mandurriao Police Station ang suspek nga ginkilala kay Jimmel Saturnino , 28 anyos sang barangay Nabitasan, Lapaz.
Suno sa suspek nga nagsakay siya sa Mandurriao nga jeep sa may Cuartero highway sang magsakay ang babaye nga iya biktima kag pag-abot sa R. Mapa street, iya gin-agaw ang kahita sini dungan ang pagpanaug sa jeep.
Subong man sa iya pagdalagan, nabungguan ini sang salakyan kabangdanan nga natumba kag gindumog sang mga nagresponder nga mga bystander.
Bangud sini, dakop ang suspek kag nabalik sa babaye ang gin-agaw sini nga wallet samtang ginturn-over ini sa Mandurriao PNP.
