Davao City – Napasaka na ang kasong murder sa Baliok PNP kagahapon, July 16, 2024 batok sa suspek nga si Arbie Behay, lalaki, kinsa mi-martilyo-patay sa iyang uyab nga usaka LGBTQ member nga nailang si Kent Lubaton , 30 anyos nga napalgan na lamang sulod sa iyang kuwarto nga wala nay kinabuhi sa Bago Aplaya, Davao City.
Sa pakighinabi sa DXDC RMN Davao kang Police Captain Hazel Tuazon, DCPO Spokesperson sa DCPO, gisulti niya nga kasong murder ang napasaka ngadto sa City Prosecutors Office batok sa suspetsado.
Segun ni Tuazon nga nadakpan ang suspek pinaagi sa gilusad nga hot pursuit operation sa mga awtoridad sa Baliok diin nadakpan kini didto sa lugar sa iyang paryente sa Malalag, Davao del Sur.
“After sa insidente, niadto siya didto (Malalag), gusto siguro mutago ug likayan ang salaud nga iyang nahimo. Naa man tay tabang nakuha gikan sa mga tawo with regard sa location sa suspek,” sulti ni Tuazon.
RadyoMaN Don Pulayao
Facebook Comments
