[image: IFM 919 Logo (1).jpg]
NAGTINGKAGOL na sa Tambler Police Station ang usa sa mga suspek nga responsible sa pagpanunggab sa tulo ka mga biktima kon asa miresulta sa usa ang patay.
Himas rehas na karon sa Tambler pnp ang suspek nga si Mark Lester, Derecho, 19, residente sa barangay Calumpang ug maoy usa sa mga midunggab patay sa biktima si Sammy Kudan, 22, us aka factory worker ug residente sa Zone 10-B, Fatima.
Lakip sa mga nabiktima sa maong pagpanunggab mao sila si Kear habuchi, 18 ug ang babaye nga si Maricel Bugtong, 30 anyos, pulos residente sa naasoyng lugar.
Kahinumduman, milabayng Enero 12, 9:33 sa gabie, nahitabo ang maong pagpanunggab sa usa ka balay imnanan nga nahimutang sa Upper banualan, Tambler nga gitudlong suspek maoang unom ka mga kalalakin-an.
Sa karon, hugot nga gipanghimakak sa suspek nga siya lakip sa mga grupo nga midunggab patay sa biktima, apan desidido ang kabanay sa biktimang namatay nga mupasang-at og kaso.
