Human sa upat ka bulan nga pagtago-tago sikop ang suspect sa brutal nga pagpatay sa usa ka magtutudlo sa Bacuita Elementary School sa Brangay Hindang sakop ning dakbayan sa Iligan niadtong Enero 24 tuig dos mil dise nwebe.
Na-aresto ang suspect niadtung miaging adlaw sa Barangay Pamping Marawi City pinaagi sa hiniusang pwersa sa mga otoridad sakop sa Iligan Police Station 5 nga gipanguluhan ni Police Major Allan Abalde ug sa City Investigation and Detective Management Branch sa pagpungulo ni Police Captain Fernado Destua kauban ang Marawi City Police Office sa pagpangulo ni Police Leutinant Col. Thomas Pantaleon Jr.,.
Naila ang suspect nga si Albert Dara Bansalao, 34 anyos, menyo, construction worker, residente sa Purok Matinabangon Barangay Ubaldo Laya ning dakbayan.
Gidala pa sa buhatan sa Marawi Police office ang suspect aron sa pag-parecord human gidala sa Iligan Police station 5 alang sa Proper disposition.
Ang suspek mag-atubang sa kasong Pagpatay.
