Sa interview sa DXDC RMN Davao kang Police Major Catherine Dela Rey Spokesperson sa Davao City Police Office (DCPO) nga karong adlawa ipasaka sa Toril Police Station ang kaso batok sa suspek nailang Renato Rio Jr., Alias “JR” 27 anyos taga Bago Aplaya samtang ang biktima nailang Rosa Mae Ajeno 22 anyos, nga taga General Santos City og kasamtangang nagpuyo sa Purok 1, Barangay Sirawan, Toril Davao City.
Nahinabi usab sa DXDC News Team ang igsuon sa suspek nga si Edgar Rio ug nangayo kini og pasaylo ngadto sa pamilya sa biktima nga nabuhat sa iyang igsuon tungod sa kasuko kay gihimuan kini og sala nga wala niya nabuhat hinungdan nga natanggal sa trabaho.
Gidugang ni Rio nga iyang gipadangat sa pamilya sa biktima nga gusto kini makig-areglo.
“Palakad nila nga si JR kulang ang pagbuhos o pagremit sa gasolina didto pagrecord si JR ang ilang gipasanginlan mao nang nasuko si JR. Ang pump girl siya maoy tigsumbong nga kulang kulang ang remit sa gasolina mao to na football sya nga tama man ang pagbutang og gasoline. Didto ang pagrecord nila, didto ang mali,” sulti ni Edgar igsuon sa suspek.
Kahinumdoman nga nadakpan sa mga awtoridad ang suspek sa Sitio Sta. Maria, Binugao, Toril, syudad sa Davao samtang ang biktima padayon gitambalan sa Southern Philippine Medical Center (SPMC).
RadyoMaN Don Pulayao
