Nagsungka sa nabukid nga bahin sang Calinog, Iloilo si Gringgo Morales, ang suspek sa pagpatay sa 16 anyos nga dalagita sa banwa sang Cabatuan sang Pebrero 13.
Suno kay Brgy Kagawad Mario Catalunia, una nga nagpadulong ang suspek sa Brgy. Cabudian, Duenas, Iloilo kag nagkadto sa iya utod kag nagsiling nga ma-surrender.
Bangud sini, nagdesisyon ang utod sang suspek nga dal-on siya sa Cahigon, Calinog kon sa diin yara ang tiyo nga isa ka barangay kagawad.
Suno sa suspek nga luyag niya mag surrender sa media bangud nahadlok siya mag surrender direkta sa police bangud basi may malain nga matabo sa iya.
Gin updan kag gin turn over ni Catalunia ang hinablos sa Calinog PNP.
Suno kay Catalunia nga gin-ako snag suspek nga napatay niya ang biktima bangud nakainom siya kag hubog.
Sa karon, gin turn over na sang Calinog PNP si Morales sa Iloilo Police Provincial Office.
