Suspek nga nagbusal, naggapos kag nagpatay sa 10 anyos nga bata nagdeny sang kremin, upod nga adik gintudlo

3148

TALISAY CITY, NEGROS OCCIDENTAL – Hugot nga ginapanginwala sang isa sa duha ka mag-utod nga suspek nga may kahilabtanan sila sa kamatayon sang isa ka 10-anyos nga bata nga babayi nga nasapwan na gid lamang kagab-i sa isa ka balay sa Brgy. Zone 14-B ciudad sang Talisay.

Nakilala ang mga suspek nga sanday Almar Doron, 20 anyos kag ang 17-anyos nga menor de edad niya nga manghud, lunsay pumuluyo sang Talisay City.

Sandig sa imbestigasyon kag base sa pahayag sang amay sang biktima, may mga las 8 :45 kagab-i, naglisensya ang iya bata nga mag-gwa sa ila balay agud nga siya na lang ang magpabalo sa resulta sang STL.

Ang amay sang biktima ang nagapataya sang STL sa ila lugar.

Suno sa ginikanan sang bata nga ila mang ginpasugtan nga mag-gwa ang biktima apang wala na ini nakabalik gani nagkabalaka sila kag ini ang ila gilayon ginpangita.

Mga las 9:30 kagab-i may nakapabalo sa ila nga ang ila bata ang nasapwan nga patay na sa balay nga ginapanag-iyahan ni Ernesto Gedalaga sa Purok Sampaguita, Brgy. Zone 14-B, Talisay City.

Makabig nga brutal ang pagpatay sa biktima bangud nga may busal ang iya bibig gamit ang face towel, ginbaklid ang iya kamot sang kalat kag ginbutangan pa sang plastic ang iya ulo.

Ang bangkay ginbutang pa sang suspek sa idalum sang lababo kag gintakluban sang labador.

Nahibaluan nga ang menor de edad nga suspek ang naga-board sa balay ni Gedalaga kon diin nasapwan ang bangkay sang bata.

Samtang suno kay Almar nga nagkadto gid lamang siya sa boarding house sang iya utod mg alas 7 kagab-i agud nga magbulig pangtinlo kag panghugas.

Gin-ako ni Almar nga sang ara na sa boarding house nag-abot ang iya abyan nga si “Jason” pasado las 8 kag nag-lisensya nga didto ma-plastar sang iya paraphernalia agud nga mag-suyup sang shabu.

Siling ni Almar nga wala siya nag-intra kay Jason tig-aylo ini ang nagpauli sa balay sang iya nobya kag iya ginbilin ang yabi sang boarding house kay Jason kag wala na siya nakahibalo kon ano na ang natabo pagkatapos sini.

Sa iya pagbalik sa boarding house pasado las nueve, suno kay Almar nakibot na lamang siya nga madamo na sang tawo kag ginpalapitan na siya sang pamilya sang biktima kag ginpadakup.

Sa interview naman sang tag-iya sang tyangge, iya ginpahayag nga mga alas 9 pasado nakautang pa sang duha ka stick nga sigarilyo si Almar kag rekta ini sulod sa balay.

Apang todo deny naman si Almar nga wala siya naghimo sang kremin makasala man sya Ginoo.

Ginapanawagan man sini kay Jason nga kon mahimo magsungka na sa mga otoridad kag akuon ang kremin. /dyHB BACOLOD

Facebook Comments