Davao City – Kasong voyeurism ug unjust vexation ang ipasaka ngadto sa korte batok sa suspek nga magmuntar og camera sulod sa C.R. ug kuwarto sa Casa Mia Rose Ladies Dormitory nahimutang sa Guzman St., Bo. Obrero ning siyudad sa Davao.
Kahinumdoman mireklamo sa kapolisan sa Sta. Ana PNP ang kapin napulo ka boarders kabahin sa ilang mulo kalabot niini gani ilang gipresenta ang ebidensiya nga SD card nga nakuha sa usa ka video recorder human nila kini nadiskubrehan ug nakuha sa balay nga ilang girentahan.
Sa gihimong pakighinabi sa RMN Davao ngadto kang Police Chief Inspector Michael Uyanguren ang Station Commander sa Sta Ana Pnp nga nagpaabot na lang sa mga complainant alang sa pagpasaka og kaso ngadto sa City Prosecutor Office ning dakbayan.
Subling nagpahimangno si Uyanguren ngadto sa mga nanag-iya og boarding house nga hingpit gidili ang pagmuntar og camera sa pribadong lugar gawas lamang sa gibutang nga CCTV camera alang sa security purposes.
RadyoMaN Don Pulayao
