Davao City – Giduso ni Lovely Epifanio ang uploader sa nag-viral nga post sa usa ka iro nga giputla’g ulo sa Purok 7, Santa Catalina, Jerome St., Barangay Lapu-lapu, Agdao ning syudad sa Davao ang kaso batok sa iyang silingan nga si Ruben Rotchina, usa ka welder kinsa gitudlo nga responsible sa pagpatay sa iro nga giilang si Chuy.
“Para maundang pod ning animal cruelty sa among lugar kay di pod ko gusto nga easy-easy-hon niya’g patay akong iro unya putlan nila’g ulo, kung mupatay sila’g iro ato ka easy kaya pod na nila buhaton sa tao. Kailangan nako ni iduso kay kung dili nako buhaton dili ni maundang ug walay mahadlok kung walay ma-sample-lan,” sumala niini.
Matud ni Lovely, duha ka bulan pa ang iro nga si Chuy nga gihatag ug gipa-adopt niya ngadto sa pamilya sa suspek.
Nagbangutan ug pirteng tiyabaw ni Lovely niadtong Lunes sa buntag sa dihang nakita niini nga wala nay kinabuhi ang iro nga si Chuy ug putol na ang ulo.
Samtang, gibutyag sa asawa sa suspek nga si Marilou Beltran nga napungot ug napatay kini sa iyang bana tungod sa ubay-ubay nga giingong reklamo nga manggukod ug mamaak ang maong iro ug gibadlong pa niya ang iyang bana nga dili kini patyon.
“Dili siya ang niputol sa ulo kita gyod ko gibadlong pa man gani nako. Duha sila nga nihimo ( ni Jun “Daot” Hontillano), nakuan ko kay naduso tanan sa akong bana ang reklamo,” sumala niini.
Sa pagpangulo ni Bantay Hayop Davao President Rovie Bullina ilang giaksyunan ang animal abuse ug cruelty case ug gitabangan ang complainant nga si Lovely nga maduso ang kasong paglapas sa RA 8485 o Animal Welfare Act of 1998, as amended by RA 10631 tungod sa pagpatay sa maong hayop.
RadyoMaN Aimee Guinita
