Anum tubtub napulo ka mga suspek ang ginalantaw sang mga utoridad nga amo ang nagsulod sa Gaisano City Mall sa Brgy. Singcang Airport, Bacolod City kag nagpangawat sa duha ka mga jewelry store pasado las 6 kagab-i.
Suno sa Public Information Officer sang Bacolod City Police Office, Lt. Col. Ariel Pico nga ang mga suspek may look out nga bystander, may driver nga nagahulat kag nagabantay sakay sa getaway nga motorsiklo.
Pahayag pa ni Pico nga sa main entrance nagsulod ang mga suspek bitbit ang maso kag piko nga ila ginbakal mismo sa Gaisano mall kag amo ang gin-gamit sa pagbuka sa glass nga istante sang F&C Pawnshop kag Haoling Jewelry Store.
Sa imbestigasyon nga ginpatigayon sang Police Station 8, natigayon nga matudlo sang witness halin sa rogues gallery ang duha sa mga suspek kag ginkilala nga sanday Marlon Parojinog, Alyas Aylon kag Kenneth Bonon, lunsay may yara sang standing warrant of arrest.
Dugang pa ni Pico nga base sa pahayag sang pila ka mga saleslady, nagpalupok pa sang armas ang isa sa mga suspek nga nagtuga sang pag-panic kag alarma nga diutayan na lamang nag-stampede.
Sa karon ginahulat pa ang resulta sang crime laboratory test sa basiyo nga bala sang armas nga narecover sa crime scene.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
