Suspek nga napusilan sa kapulisan atol sa Buy-bust operation kanhing priso

32

General Santos City–Gikabutyag ni Police Lieutenant Colonel Marvin Dua-Dua, Hepe sa Polomolok PNP nga kanhi nang napriso ang suspek sa Polomolok PNP nga si Zaldy Santos nga taga Prk. Pag-asa Brgy.Lumakil, Polomolok, South Cotabato, kansa napusilang patay sa kapulisan atol sa operasyon niadtong nakalabay nga semana.

Pagbutyag ni Dua-Dua nga human nga nakagawas ang nasampit sa prisohan gumikan kay nakabayad ug piyansa mibalik matud pa kini sa iyang illegal nga gimbuhaton sa pakiglambigit sa illegal nga droga.


Saysay usab sa opisyal nga atol sa operasyon napalitan ug droga ang suspek ug sa dihang nakamatikod kini nga police ang iyang katransaksyon kalit matud pa kining mibunot ug pusil hinungdan nga gi-unhan nalang kini ug pusil sa kapulisan alang usab sa pagdepensa sa ilang kauligalingon.

Nakaangkon ug igo pinusilan sa lawas ang suspek nga miresulta sa iyang kamatayon samtang nakuha sa posisyon sa suspek ang illegal nga droga, usa ka kalibre. 38 nga pistola ug bala ingon man buy-bust money.(Reynald Timario)

Facebook Comments