Suspek nga nibugha sa seaman padayong gisubay sa Tagum PNP

85

Davao City – Blangko pa ang mga awtoridad kung kinsa ang gunman nga nikutlo sa kinabuhi sa sea man sa may Tagum You Xiu School, Malinawon 1, Barangay Magugpo East, Tagum City, Davao del Norte alas 7:30 sa buntag adlawng Martes.

Gibutyag ni Tagum PNP spokesperson PSI Anjanette Tirador nga base sa ilang inisyal nga imbestigasyon usa ka lalaki ang kalit nga niduol ug nipusil sa biktima nga si Edwin Antonio Gulane, 41 anyos.


Matud ni Tirador bag-uhay pa lamang kining baba sa barko ang biktima.

Base sa pakighinabi sa asawa sa biktima nga wala kiniy nadawat nga hulga sa kinabuhi ang biktima.

Usa ang personal nga dumot nga motibong gilantaw karon sa kapulisan.

Gipaabot pa usab ang resulta sa Integrated Ballistic Identification System (IBIS) profiling nga gisumite ngadto sa Davao del Norte Crime Laboratory Office aron mahibaw-an ang bala ug baril nga gigamit sa suspek.

Nanawagan karon ang kapulisan sa tanang nakasaksi sa insidente nga muduol sa investigation section sa Tagum PNP silbing tabang sa pagsulbad niining krimen.

Gisaad usab sa mga awtoridad nga ilang proteksyunan ang mga saksi.

Gisubay sa mga PNP ang mga CCTV footages duol sa crime scene kung nakuha ba ang dagway sa suspek.

RadyoMaN Aimee Guinita

Facebook Comments

From Advertisers