Suspek nga nipusil-patay sa GRO ginasubay sa kapulisan

Davao City – Nangalap pa karon og mga saksi ug mga CCTV footages ang kapulisan sa Tagum aron makatabang sa pag-ila sa suspek kinsa nipusil-patay sa usa 22 anyos nga Guest Relations Officer kun GRO pasado ala-1:00 sa kadlawn sa may Gazmen Road, Magugpo West, Tagum City, Davao del Norte.

Sa interbyu sa RMN Davao kang Tagum City Police Office spokesperson Police Captain Anjanette Tirador ginasubay kini karon sa ilahang tracker team ang wala pa mailang suspek.

Samtang, dead on arrival ang biktima nga sa alyas Irene pa lang naila, taga-Bukidnon, Guest Relation Officer ug Waitress sa usa ka bar sa may Tagum.


Matud ni Tirador nga base sa imbestigasyon nga nagkalalis ug wala magkasinabot ang duha sa bayad nga maoy gilantaw nga motibo sa krimen.

Nanawagan si Tirador kung kinsa kadtong mga higala o nakaila sa biktima nga muduol sa Investigation Section sa Tagum Pnp aron mahatod sila didto sa morgue kung asa gihatod ang biktima.

RadyoMaN Aimee Guinita

Facebook Comments