Gipagawas na karon ang mugshot sa usa sa suspetsadong gunman nga mipusil patay kang USTP President Dr. Ricardo Rotoras niadtong Dec.2, 2017.
Ang maong hanap nga litrato sa suspek nga si Johnrel Gamanay ang gipilit sa usa ka dukomento sa balita nga gipagawas gikan ni Cagayan de Oro City Police Chief Insp. Mardy Hortillosa sa chat group sa Camp Alagar PRO-10 News Update Facebook page.
Kahinumduman nga nadkpan si Junrell Gamanay, aka Alejandro Ceniza ug Jun Putot sa mga kapolisan niadtong January 13 sa Makati. Kini basi usab sa warrant of arrest nga gi-issue sa korte sa Misamis Occidental nga may kalambigitan sa pagpatay sa usa ka politiko didtong dapita.
Sa gipahigayon nga interogasyon miangkon ang suspek nga aduna siyay gitawag ug “hit” sa Cagayan de Oro nga maoy hinungdan nga gidala gilayon sya dinhi sa syudad sa mga kapolisan aron ipakita sa mga witness.
Positibo gilayon nga nailhan sa mga witness si Gamanay niadtong Jan.17 ug gidala kini kauban ang laing pang suspek ngadto sa Ozamis City kung diin sila na detained.
Nagpasaka na usab karon ug kasong murder ang asawa ni Rotoras batok kang Gamanay nining semanaha lamang.
Samtang matud pa ni Hortillosa nga ila ng gikonsidera nga “prime person of interest” ang nadakpan nga si Architect Galua nga hangtod karon nagpailalom pa gihapon sa hospital arrest gumikan sa usa ka “heart ailment”.
