GENERAL SANTOS CITY – Miangkon karon ang suspek sa buy-bust operation sa Tamble Police Station nga nalambigit sad kini sa kasong robbery.
Hagbong sa kamot sa kapolisan ang 19 anyos nga ulitawo giila sa pangalang Janrex Attara alyas Jan-jan nagpuyo sa Purok Nasa Barangay Fatima nga napalitan og pakete sa iligal nga droga kambyo ang 500 pesos nga marked money gikan sa poseur-buyer nga pulis apan dihang gikapkapan sa pulis nakakuha pa sila og laing pakete sa shabu.
Matod sa suspek nga kaupat ka higayon pa lang kining nakahimo sa pagpanglabni o snatching sa iyang mga gipangbiktima nga sagad ginakuha mao ang mga cellphone sa mga nagbaktas lang sa dalan gamit ang kutsilyo nga panghulga.
Namahayag usab si Police Chief Inspector Basher Alindo ang hepe sa Tambler PNP nga mamahimong magpatim-aw sa ilang presinto ang mga gipangbiktima sa suspek aron madugangan ang kasong giatubang ni Attara.
Una nang nag-atubang karon og kasong pagsupak sa Section 5 og 11 o paghupot og pagpamaligya sa iligal nga droga ang suspek.
