GENERAL SANTOS CITY- Napatay sa mga kapolisan sakop sa Regional Police Drug Enforcement Unit 12 ang drug dealer atol sa gipahigayong operasyon sa Kidapawan City niaging adlaw nga Lunes.
Base sa impormasyon, gipahigayon ang operasyon sa Purok Guava,Barangay Poblacion, Kidapawan City kung asa giila ang suspek nga si Jose Leo Labrador Roa alias Jonel Roa 19 years old, lumulupyo sa maong lugar.
Sumala sa Police Regional Office 12 sa maong operasyon, napalitan sulod sa balay ang suspek sa usa ka pulis og pakete sa gidudahang iligal nga droga na shabu gamit ang marked money nga 500 pesos.
Dugang pa sa impormasyon sa PRO 12 mipalag matod pa ang suspek pinaagi sa pagnunlot sa iyang armas og namusil ngadto sa mga otoridad nga nagresulta sa sinukliay og buto sa pusil.
Nakahiagom ang suspek og mga gunshot wounds sa lawas og daling gidala sa ospital sa Kidapawan City alang sa atensyong medikal apan gideklara kining dead on arrival.
Narekober sa kapolisan ang marked money, dose ka pakete sa shabu lakip ang buybust item, .38 caliber revolver og bala niini ug tulo ka nibuto nga bala sa 9mm.
Ang maong suspek nalakip sa IDID (Inter-Agency Drug Information Database) List nga kanhing PRRD List og gi-categorized isip Street Level Personality (SLP).
Gipailawom na sa laboratory examination ang narekober nga iligal nga droga samtang ang armas gipaubos na ngadto sa Provincial Crime Laboratory Office sa Kidapawan City alang sa documentation og saktong disposisyon.
For more info’s and updates, like and share our official facebook account : www.facebook.com/ifm91.9Gensanofficial/
[image: GIPUSIL.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
