GENERAL SANTOS CITY – Nakaangkon sa temporaryong kagawasan ang suspek sa pagpangawat og motorsiklo ingon man nakuhaan og iligal nga droga human nga nagpyansa sa iyang kaso niaging adlaw.
Ang suspek nga si Herson Gaton alyas Nonoy 19 anyos estudyante og residente sa Klinan 5 Barangay Mabuhay ang nagpyansa og 500 mil pesos sa duha niya ka mga kaso nga carnapping og pagbayolar sa Section 11 sa Comprehensive Dangerous Drugs Act.
Gipirmahan ni Judge Panambulan Mimbisa sa RTC Branch 37 ang release order og gimanduan ang kapolisan nga buhian ang nasangpit samtang gitakda karong Nobyembre 6 2018 ang arraignment sa iyang kaso.
Kahibaw-an nga nadakpan ang suspek kauban ang higala nga si Jeson Derayal human ilang gikatawat ang motorsiklo sa biktimang si Bernie Cabangisan Aliponga 36 anyos residenti sa Aleosan North Cotabato ug kasamtangan na kaorn nga nagpuyo sa Gensan na igo ra nga giparada haduol sa eskwelahan niaging bulan sa Hunyo.
Malampuson silang nasikop sa may Diversion Road human naharang sa kapulisan og narekober gikan sa posisyon sa mga nasangpit ang motorsiklo sa biktima, improvised firearm o sumpak, bala ug tulo ka sachet sa gituohang shabu.
