Davao City – Sikop na sa pwersa sa otoridad kagahapong adlawa ang suspek sa pagpatay sa usa ka landlady sa Sta. Cruz, Davao del Sur.
Kini mao ang gikumpirma sa Sta. Cruz PNP atol sa pakighinabi sa DXDC RMN Davao diin ang suspek nailhang usa ka Edelmiro PudPud Agua, ‘alyas Taroroy’, 21-anyos, house helper sa biktima, ug residente sa Barangay Tuban, Sta. Cruz, Davao del Sur.
Ang maong suspek adunay patong nga P500,000 reward money sa makadakop kaniya alang sa daling pagkasikop.
Alas-3:30 sa hapon kagahapon, Noyembre 16, nadakpan ang suspek sa Sitio Igaon, Brgy. Mahan-ub, Bagangga, Davao Oriental pinaagi sa hot pursuit operation uban ang First Davao Oriental Provincial Mobile Force Company.
Kahinunmdoman nga patay ang biktima nga si Martina Gamus Tancontian, 68-anyos, byuda, negosyante, residente sa Brgy. Coronon, Sta. Cruz, Davao Del Sur ug inahan sa municipal administrator sa maong lugar human gidunggab ug gikawatan pa sa iyang kaugalingong house helper sa Digos City nahitabo niadtong Nobyembre 11.
RadyoMaN Jason Amisola
