Hulog sa kamot sa mga tinugyanan sa balaod ang gitudlo nga ug gi suspetsahan nga nalambigit sa pagpanglugos. Dali nga mikasa sa manhunt operation ang hini-usang pwersa sa Sibutad PS, Intelligence Branch sa Zamboanga Del Norte PPO ug CIDG.
Didto kini sa may Purok 2, Barangay Minlasag, Sibutad, ning probinsya sa Zamboanga del norte sa miaging adlaw.
Malampuson nga nahulog sa kamot sa mga tinugyanan sa baload si Felimon Solis, 60 anyos, nagpuyo ra usab sa nahigutan nga barangay sa unahan. Naaresto kini pinsikad sa warrant of arrest gikan sa korte tungod sa kasong Statutory Rape.
Adunay pyansa nga mokantidad sa P200,000mil alang sa iyang temporayong kagawasan. Kagahapon gidala na kini sa korte para pormal nga pag atubang sa kasong gipasaka batok kaniya.
