Suspek sa New Corella shooting incidents posibleng usa ra

142

Davao City – Wala pay matumbok nga bug-at nga anggulo ang New Corella PNP sa segundo nga ligas sa pagpusil sa konsehal ug sa dispatser kagahapong adlawa sa Purok 3, Brgy. Poblacion, New Corella, Davao del Norte.

Sa interbyu sa RMN Davao kang New Corella acting chief of police PSI Arvin D. Ongcay nga posibleng usa lamang kagrupo ang mitira sa mga biktima nga sila Municipal Councilor Alvin Anib Libres ug dispatser sa terminal Lito Labor kinsa patay sa nahitabong pagpamusil.


Sumala ni Ongcay nga wala pa silay witness kinsa nakakita sa suspek nga mipusil sa konsehal ug walay narekober nga basyo sa bala sa crime scene samtang sa mipusil sa dispatser base sa pipila ka mga testimonyas sa mga saksi nga nakasuot kini og black nga jacket, naka facemask, nakakalo, naka shorts ug anaa sa 5’2-5’4 ang height.

Sumala ni Ongcay parehong mga drug surrenderees si Konsehal Libres ug si Labor ug managsilingan usab ang duha.

Niapelar karon ang New Corella PNP sa mga nakasaksi nga mutabang sa mga awtoridad aron matumbok ang mga responsable sa krimen.

RadyoMaN Aimee Guinita



Facebook Comments