Numancia, Aklan — Arestado ko mga katapo it Numancia MPS ro suspek nga nagbuno-patay sa anang step father ko Huwebes it gabii sa Brgy. Camanci Sur, Numancia Aklan.
Ro nasambit nga suspek nakilaea kay Ryan Domingo, 26-anyos ag residente it Brgy. Balabag,Boracay, kung sa siin naaresto imaw kahapon sa banwa it Malay samtang rong biktima nakilaea kay Enrique Villanueva, 28-anyos ag residente it Brgy. Camansi Sur.
Sa pakikipag-angot it RMN Kalibo kay PO3 Felizardo Navarra Jr., it Numancia MPS nga ko Huwebes it gabii hay naga inum-inum ro suspek tag magsugid ro ana karang manghod nga ginasakit ro andang nanay ag iba pang manghod ko andang step father.
Dikara naakig ro suspek ag anang inagtunan ro biktima sa andang baeay nga bitbit rong kutsilyo ag binuno nga inigo sa anang likod.
Pagkatapos ko insidente hay madasig man nga nagpaeagyo rong suspek.
Nasayuran nga nabuhayan man bago madaea sa hospital rong biktima bangud natabo raya mga 8:40 it gabii ag nakita ra imaw sa kanyugan mga 10:45 eon bangud nga ro manghod ko suspek nga magadaea kunta sa biktima sa hospital hay ginpunggan ag gintuyo man bun-on rason nga nagtinguha man raya nag makapanago.
Sa makaron hay sa kustodiya eon it Numancia PNP ro suspek ag nakataeana nga iga inquest makaron nga adlaw sa kasong murder.
