General Santos City— Hugot nga gipanghimakak sa suspek nga si Arnold Embitansus nga wala niya mahilabtan ang iyahang anak ug igo lang siyang gipasanginlan.
Sumala niya nga una na siyang nasayud nga posible siyang pakanaugan ug warrant of arrest gumikan sa maong akusasyon. Apan iyahang gibutyag nga posibleng gipasanginlan siya aron nga dili niya mapaminyo ang iyahang anak sa kanhi niining uyab.
Dugang pa sa suspek nga dihang nahitabo ang akusasyon, wala matud pa matulog ang biktima sa ilahang balay kundili sa balay sa iyahang uyab. natingala nalang matud pa kini nga dihang miabot siya gikan sa trabaho, iyaha nalang nasayran nga nasayud na ang ilahang mga silingan nga iyahang gilugos ang iyahang anak sukwahe matud pa kini sa kamaturan.
Iyaha sumala pang gikompronta ang biktima apan nagpakahilum lang matud pa kini. Pamahayag pa sa suspek nga miyembro sa mga batang sukarap ang iyahang anak ug posibleng na-impluwensyahan sa iyahang mga barkada aron sa paghimo sa ingon.
