Davao City- Gikumpirma ni Police Superintendent Noel Asumen, hepe sa kapolisan sa Island Garden City of Samal nga miadmitar na sa salaud nga iyang nahimo ang suspect nga si Elvin Juna, 20 anyos, minyo, laborer ug nagpuyo sa Barangay Adecor, Kaputian, IGACOS.
Atol sa interview sa DXDC RMN Davao, gisulti ni Asumen nga nagbakho ug naghilak nga giangkon ni Juna nga siya ang milugos ug mipatay kang Kimberly. Tungod niini, nangayo siya ug pasaylo ngadto sa pamilyang Autida sa iyang nahimo ngadto sa dalaga.
Kasong lugos ug pagpatay ang ipasaka batok sa suspetsado.
Nasayran nga ang biktima ug suspetsado managsilingan sa nahisgutang barangay ug ang nauwahi matud pa, nangulitawo sa dalaga apan wala sugta niini.
Sa pikas bahin, wala pay resulta ang gihimong drug test kang Juna human siya gipailawom kagahapon sa maong eksaminasyon. Nasayran nga misurender na kini kaniadto tungod sa iyang kalambigitan sa gidiling droga.
Kasamang Erin Lumosbog
