Muabot sa kapin kun kulang usa ka kilo sa gituohang shabu ang nasakmit sa Philippine Drug Enforcement Agency – Region 10, sa usa ka buy-bust operation, alas-3:00 sa hapon sa Barangay West Poblacion, Baloi, Lanao del Norte.
Sikop ang ka-transaksiyon sa PDEA nga nailang si Jalik Akil Linog, 30 anyos, residente sa Baloi, adunay asawa ug duha ka anak, driver sa de-pasaherong multicab nga dunay linyang Baloi-Marawi.
Miingon si Agent Benjamin Recites, hepe sa Plans and Operations Division sa PDEA-10, nga gibana-banang mubalor ang nakuha nga shabu ngadto sa 6.5 million pesos.
Matud ni Recites nga newly-identified drug personality si Linog nga kapin sa usa ka bulan nga ilang gipanid-an.
Giangkon sa suspek nga gikan sa lungsod sa Maguing, Lanao del Sur ang iyang gibaligya nga shabu.
**** Photos: Divina M. Suson
