South Cotabato—samang samdan ang duha ka lalaki human nga natigbasan ug napusilan alas 8:13 sa gabie sa may Sitio Salpao, Barangay Polonuling, Tupi, South Cotabato.
Giila ang biktima giilang si Marvin Tabacon Biansat, 26, samtang ang suspek giilang si Mario Amuguis Rafael, 22, samang residente sa maong lugar.
Subay sa imbistigasyon sa Tupi Municipal Police Station nasayran nga nakadungog nalang ang biktima nga si Marvin ug buto samtang siya nagkaon sulod sa ilang panimalay. Tungod niini siya nigawas sa iyang balay aron sutaon ang iyang mga binuhing hayop ug didto nahayagan sa iyang flashlight ang nawong sa iyang silingan nga si Mario.
Nagpaila pa kaniya ang nahisgutan apan kalit matud pa kining gipusil sa suspek igo sa iyang dughan. Luyo paman nga samdan si Biansat, iya pang natigbasan ang suspek sa lawas hinungdan nga sama silang gidala sa ospital.
Gibutyag ni Police Chief Inspector Bernie Faldas, Hepe sa Tupi MPS, ginasuta pa nila ang motibo sa suspek nganong iyang gipusil ang biktima. Samtang mahagbong nalang sa regular Filing ang pagpasang-at ug kaso batok sa suspek tungod dili pa makasumite sa iyang affidavit ang biktima tungod gipailawom pa kini sa operasyon.
