Arestado karon ang usa ka suspek sa pagpangawat nga nahitabo didto sa Brgy. La Roche, lungsod sa Sindangan niadtong adlawng domingo mga alas 7:30PM.
Didto kini sa panimalay ni Violeta Pon Jalosjos, 56 anyos, gisulod sa kawatan nga si George Daguinotas Pon , 31 anyos, residente kini sa brgy. Lalab, akop sa lungsod sa Sibutad.
Dugang pa sa impormasyon mga 11:00AM, desyembre 14, 2017 ang kapulisan sa Sindangan nagpahigayon ug follow up operation didto sa brgy. Disud, Sindangan, malampuson nga naaresto ang suspek.
Dali kini nga gidala sa buhatan sa kapulisan sa maong lungsod alang sa tukmang disposasyon.
Pero niadtong higayona, samtang gikapkapan ang maong suspek, nakuha sa iyaha ang duha (2) ka pakete nga adunay sulod nga white crystalline substance nga gituohang shabu, usa ka deposable lighter, mga sinsilyo ug usa ka pack bag.
Sa pagkakaron pormal na nga pasakaan ug kaso may kalabutan sa droga ug pagpangawat.
