Sindangan- Nagpakamatay ang usa ka lalaki samtang nagpahigayon ug imbistigasyon ang kapulisan sa Sindangan may kalubutan matod sa nahitabong pagpanglugos niadtong adlawng martes.
Naila ang biktima nga si Jayson Sardao, hingkod ang pangidaron ug ge suspetsahan kini sa pagpanglugos batok sa iyang karelasyon nga si March Celyn Samon nga nahitabo ang insidente niadtong adlaw sa pasko nga alas 9:00PM didto sa Brgy. Bantayan, sakop sa maong lungsod.
Matod pa ni PO1 Mitshiela Buot, Duty Investigator,samtang nagpahigayon ug interview ngadto kang Jayson Sardao mahitungod matod pa sa kalabutan niini sa pagpanglugos uban sa ginikanan ug kaliwat ni March Celyn.
Niadtong higayona migawas si PO1 Buot sa iyang opisina aron tawgon ang alert team para ipailawom si Jayson sa medical examination. Sa nakita sa CCTV footage, ang kaliwat sa biktima lakip na usab ang rape victim migawas pud sa maong lawak, nabilin nga nag inusara ang biktima niaadtong higayona.
Kalit lang nadungog ang sipa nga buto sa armas gikan sa maong lawak, dali nga mibalik si PO1 Buot sa WPCS office ug didto iyang nakita nga nagbad-ay sa salog ang biktima nga naligo sa iyang kaugalingong dugo, nag gunit usab ug 9mm lock pistol sa toong bahin sa iyang kamot.
Dali kining gidala sa balay tambalanan apan gi deklara kining dead on arrival.
Dugang pa, ang 9mm nga pistola nga nakita sa kamot ni Jayson iya kini ni PO1 Mitshiela Buot nga anaa gisulod sa drawer sa iyang lamesa.
