Suspek sa pagpanglugos sa usa ka may deperensya sa lawas, dakpan

12
Handcuffs

General Santos City–Takda nang kasuhan sa Banga PNP ang usa ka Jobel Balasan, residenti sa Banga, South Cotabato kansa suspek sa pag-among-among sa usa ka biktima sa usa ka barangay sa maong lungsod.

Sumala ni Police Major Joseph Forro, Hepe sa Banga PNP una nang mireklamo sa ilang buhatan ang usa ka biktima nga adunay deperensya sa panglawas ug misumbong nga siya gilugos tulo ka higayon sa maong suspetsado.


Gikaingong nagapamaligya ug silhig ang biktima sa lugar sa suspek ug dihang nakaagi kini sa balay sa nasampit nga suspetsado siya gitawag ug gipasulod sa balay ug didto na gi-among amongan.

Malampuson nga nadakpan ang suspetsado human nga gitudlo sa biktima ang nasampit atol sa gihimong follow-up operation.

Nisuway pa ug dagan ang suspek apan nakorner gihapon kini sa kapulisan ug napusasan.

Kasong lugos ang giatubang karon sa suspetsado kansa balhog na sa silda sa Banga Municipal Police Station.

Facebook Comments

From Advertisers