Davao City – Boluntaryo nga mitahan sa iyang kaugalingon ngadto kang Casoon Brgy. Captain Anastacio Esguira ang usa ka lalaki nga suspek sa pagpanigbas-patay sa usa ka magpapatigayon nga giila sa pangalang Shedney Sanoy, 44 anyos, residente sa Prk. Rattan Brgy. Apokon, Tagum City, Davao del Norte.
Ang mitahan sa iyang kaugalingon giila sa pangalang Jonever Taog, 24 anyos, residente sa Prk.19 Brgy. Casoon lungsod sa Monkayo.
Kahinumduman nga mitambong og birthday party sa iyang pag-umangkon ang biktima lakip ang suspek apan gikasab-an hinungdan nga nipauli.
Sa pagbalik sa suspek kalit gitigbas ang biktima gamit ang lagaraw tumong sa liog hinungdan sa kamatayon sa biktima.
Misibat ang suspek apan paglabay sa pipila ka adlaw mitahan sa iyang kaugalingon ngadto sa barangay official ug gi-turn over ngadto sa buhatan sa kapolisan sa lungsod sa Monkayo.
Kasamtangang gi-andam na ang tukmang kaso batok sa suspek ngadto sa korte.
RadyoMaN Juls Catisay
