Davao City – Patay ang usa ka lalaki nga suspek sa pagpanulis sa Calinan human kini misukol sa kapulisan. Ang suspek mao si Noe Boltron Diacosta alyas Pangag, 33 anyos ug residente sa Barangay Talomo Riverside Calinan siyudad sa Davao. Sumala pa sa rekord, nanulis ang suspek og usa ka biktima nga si Paul Enrico Acosta, usa ka habal-habal driver sa Calinan bandang alas 3 sa kaadlawon niadtong miaging adlaw. Gisaysay sa biktima nga mipauli na kini sa ilang panimalay sa Purok 23 Datu Abing Calinan ug didto gitulis si Acoasta. Nakuha gikan kaniya ang cellphone ug cash nga 1,500 ka pesos. Subay niini gipatala gilayon ni Acosta ang maong insidente sa kapulisan ug didto nasayran nga nailhan na si Pangag sa ilang lugar nga nagapangpanulis. Bandang alas 9:30 gi lusad ang manhunt operation ug dunay nakatudlo nga ang suspek anaa sa Aamsiga st. Teachers Village Calinan. Sa dihang dakpon na unta si alyas Pangag kalit kini mihulbot sa iyang armas ug paboto hinungdan sa pagpuli kaniya sa otoridad. Gidala pa kini sa Robillo General Hospital sa Calinan apan gi deklara na kining dead on arrival dayun gidala sa Angel Funeral Homes sa Calinan. Atol niini, nakuha gikan sa patayng lawas sa suspek ang usa ka linukot nga newspaper nga dunay sulod sa wala pa matino nga timbang sa pinaugang dahon sa marijuana, kitchen knife ug disposable lighter. RadyoMaN Paul Canono tags: dxdc 621 davao
