Davao City – Nadakpan na kagabii ang suspek sa pagpanulis sa usa ka sales lady niadtong adlawng Domingo.
Sa report sa Talomo PNP, ang suspek giilang si John Carlo Abellana Telleros alyas Tanglord, 18 anyos, residente sa Pag-asa Village, Matina Aplaya, ning syudad.
Nadakpan ang suspek sa corner Pag asa Vill Matina Aplaya alas 6 kagabii human gilusad sa otoridad ang sunod-sunod nga follow-up investigation/hot pursuit.
Matud sa Talomo PNP, ang maong lalaki maoy gitudlong suspek sa pagpanulis sa usa ka sales lady nga giilang si Vina Torente Necosia, 18 anyos diin matud pa gitiunan kini og kutsilyo sa suspek ug gikuha ang cellphone niini ug kwarta nga nagkantidad og P300.00 pesos sa may MGR Teacher’s Village, Matina Aplaya.
Apan atol sa insidente misukol ang biktima ug nailog niini ang kutsilyo ug daling gidunggab ang suspek igo sa wala nga bukton niini.
Narekober sa possession sa dinakpan ang kinawat nga cellphone sa nasangpit nga biktima ug balhug na karon sa Talomo PNP ang suspek alang usab sa pagpasang-at og tukmang kaso batok niini.
RadyoMaN Renz Barbarona
