Davao City – Gikumpirma sa Davao City Police Office (DCPO) nga na-file na ang kaso batok sa suspek nga milugos ug mipatay kang Christine Corpuz, 47 anyos, ang ginang nga nakit-ang wala nay kinabuhi niadtong Marso 1, 2021 sa Buhangin, Davao City.
Sa interbyu sa DXDC RMN Davao kang Police Colonel Kirby John Kraft, DCPO Director, gibutyag niini nga rape with homicide ang gipasakang kaso sa wala ginganlang suspek.
“Mero na po tayong na i-file na kaso po dyan, nung last week pa po,” butyag ni Kraft.
Gibutyag usab sa DCPO Director nga aduna usay existing warrant ang suspek sa kasong sexual assault. Padayon karon ang gihimong manhunt operation sa kapulisan aron madakpan ug manubag sa brutal nga krimen.
P300,000 reward money nga gitanyag si Davao City Mayor Sara Duterte-Carpio sa makatudlo o makahatag og impormasyon sa responsable sa pagpatay kang Corpuz nagpabilin pa gihapon.
RadyoMaN Kirby Manzon
