Suspek sa pagpatay sa habal-habal driver-malampusong nasikop

29

General Santos City—malampusong nadakpan sa operatiba sa Police Station 5 ang suspek sa pagpatay ug pagdagit sa motorsiklo sa usa ka habal-habal driver sa area sa Barangay Tambler ning syudad.

nadakpan si Dexson Balawa, legal age, sa may Barangay Datal Sampal, Malungon, Sarangani Province kagabie sa tropa sa Police Sation 5 sa pagpanguna ni Police Sr. Inspector Dominador Soliva sa pakig-alayon sa Malungon Muncipal Police Station.

Si Balawa suspek sa pagpatay sa habal-habal driver nga si Reynaldo Emilio Jr., 19, residenti sa Purok Fataldao, Barangay San Jose, Gensan. Narekober sa posisyon sa suspek ang Bajah nga motorsiklo sa biktima.

Sumala ni PSI Soliva nga human silang naghimo ug hot pursuit operation niadtong nakalabayng adlaw sa area sa Polomolok, diin pakyas nila kining masikop sa lugar, kagahapong adlawa nakadawat sila ug impormasyon nga tua nag tago-tago sa Malungon ang nasangpit. Tungod niini sila nakig-alayon sa kapulisan sa lungsod nga miresulta sa malampusong pagkasikop sa nahisgutan. Sa karon ang suspek balhog na sa silda sa Police Station 5 ug gikatakdang ipasang-at ang kaso batok kaniya. Si Balawa notado nang kawatan ug lambigit sa carnaping sa ilang lugar.

Facebook Comments